في إطار ما يثار هذه الأيام من فضائح الصفقات وتبادل المصالح .. ماشي غير تضارب المصالح في قطاع الصحة والأدوية…
كتبتها: حنان رحاب
في إطار ما يثار هذه الأيام من فضائح الصفقات وتبادل المصالح .. ماشي غير تضارب المصالح في قطاع الصحة والأدوية…
واحد « مصحات » ظهرت فجأة.. وانتشرت في كل مدن المغرب بسرعة قياسية.. عندها شراكات مع مجموعة من مؤسسات الأعمال الاجتماعية التابعة لوزارات عندها آلاف ” المؤمنين “.. بحيث ان ” المؤمن” كيخلص غير شي حاجة قليلة والباقي كتكلف به التعاضدية لي عندو معها التغطية الصحية.. وشركة التأمين لي عندها عقد مع مؤسسة الأعمال الاجتماعية لي تابعة لديك الوزارة…
حتى لهنا.. الأمور مزيانة ..انه يكون عندنا قطب استثماري قوي في الصحة.. ويكون كيأمن بحال هاد الخدمة.. ويكون عندنا تعاضديات ومؤسسات العمل الاجتماعي تابعة للوزارات كتأمن التغطية شبه الكاملة في حالات لي كتطلب مصاريف كثيرة.. بحال العمليات والاستشفاء داخل المصحات لمدة طويلة مثلا…
لكن الغريب هو ان هاد ” سلسلة ” مكتعطيش الفاتورة مفصلة لهادوك لي مستفدين من هاد الخدمة.. بدعوى انهم اصلا مخلصوش.. وعندهم التحمل الكامل بين التعاضدية ومؤسسة الأعمال الاجتماعية…
هنا.. كاين شبهة انه كيتم تضخيم الفواتير .. عبر تضمينها سلة علاجات ماكايناش او إضافة خدمات ما استفدش منها المؤمن…
صحيح ” المؤمن ” .. غيبان ما خاسر والو ولكن اذا صحت هذه الشبهات.. فهادشي يشكل خطر على صناديق التعاضد والضمان الاجتماعي…
والأكثر من ذلك أن ” السلسة صحية” تتنظم قافلات طبية فمناطق نائية وتتصيد أصحاب “أمو التضامن” وتجري لهم فحوصات طبية باهضة حتى وإن كانت وضعيتهم الصحية لا تتطلب ذلك.. بهدف تحصيل مزيد من التعويضات….