تصوّرت مع الملك وجاو عندي 12 حارس قلت ليهوم نااري مشيت فيها
كتب سفيان البحري في صفحته الفيسبوكية”في إتصال للسيد أمين بِـ سفيـان البحـري مدير صفحة الملك محمد السادس، أخبرنا: ” ولبارح كنت فشارع الزرقطوني الدار البيضاء وانا نتصادف مع ملكنا فالطريق وكان جالس حداه المستشار ديالو فؤاد عالي الهمة، بقيت تابع سيدنا واحد المسافة وهو يوقف ليا 🚗”
يضيف أمين لِـ سفيان البحري: ” هبطت كانجري عندو، ضحكت مع الهمة وقلت لملكنا عافاك بغيت غي صورة معاك آسيدي، قال ليا واخّا مرحبا وقال للحارس ديالو الله يخليك خود التيليفون صورنا 📷، منين صورنا الحارس جاب التيليفون وهو يقول ليا سيدنا: إلا ماعجباتكش نعاودو صورة أخرى؟ قلت لو: لا آسيدي جات زوينة شكرا بزاف 😚”
وزاد أمين لِـ سفيان البحري قائلا: ” سيدنا مشا وماسخيتش بالهضرة معاه، منين تصورنا كانو بزاف ديال الحراس 💪 تقريبا شي 12 لواحد منهوم جوج جاو من بعد دقوا عليا فالطوموبيل، قلت ليهوم نعم؟ قالو ليا البطاقة الوطنية ديالك!! قلت ليهوم ناري مشيت فيها 😁! هوما يبداو يضحكوا 😂 قالو ليا لا بغينا غي المعلومات ديالك باش يبقاو عندنا 😉“