الستاتي : ها علاش فرقت القفة للناس المحتاجين

بعد الضجة التي وقعت حول الفنان عبد العزيز الستاتي في ما يخص توزيع القفف على المحتاجين في المناطق المحتاجة وخروج نشطاء يقولون أن الفناني المغربي يحاول الترشح هاهو نشر عبر صفحته في الفيسبوك تدوينة جاء فيها :
صباح الخير عليكم ، اش خباركم ؟ياك واكلين شاربين دافيين ؟ إيوا راه كاينين ناس مساكن اللي باقا واحلة فالدغمة والجغمة ومالاقيا لباش تغطا وأنا إنشاء الله والله يقدرني وغادي نجول بهاد العملية جميع أنحاء المملكة واخة تكون عاندي غير 4 دريال نقسمها مع المساكين حيث أنا اللي حاس بيهم مريت من الجوع والبرد ودازت عليا ، والهدف من التصوير أو الصور هو تحفيز الفنانين والرياضين وووو باش تاهوما ينوضو يتكاتفو ونشفوهم تاهوما فالجبال ويعاونو الناس ويصورو لينا ويتفلعصو علينا فالخير ماشي نبقاو تصاورنا غا فالأفيشات وفالكوستارات والتكاشط هذه رسالة للجميع نوضو حنا نتكاتفو ونديرو يد فيد وعلاش لا نبنيو مدارس سبيطارات وزيد وزيد ،
أما بخصوص بعض الأفواه اللي كتدعي أني غنترشح أو غندخل عالم السياسة فهذا مجرد كذب وبهتان أنا عمرني نترشح أو ننتمي لشي حزب من غير المغرب أنا ديال لمغاربة كلهم وغادي نبقا ديالهم بشعاري الخالد الله الوطن الملك