زريعة القنب

 

زجليات عبدو:
زريعة القنب
بقلم عبدالهادي بريويك

زريعة القنب
والمبتورة عناوة
واش الفول هو جلبانة
في هد المقام
يخرج شلا كلام
ومنو نفهمو السياسية
فيها التفاح
ومن المغمض فيها
الرمانة
سولو مول الزريعة
زريعة القنب
على هد التبهديلة
حكومة منقوشة
وخيولها مربوطة
والراكب عيونو معمية
حكومة من برامجها
مضيومة
والشعب حياتو مهضومة
المبتورة عنوة
والحكومة خصها الخلوة
تفكر في القرارات المجنونة
وتحسب لحساب من جديد
وتغلف قلبها
بالمعدن والحديد
والنار متشعل
حتى يكون النافخ
كرشو منفوخة
تريكت زريعة القنب
شحال من برلماني
حكم ونهب
وضاع شباب
وضاعت كفاءات
من منظومة شفر وهرب
واش الخاتم
خاتم النقرة يتعير بميزان دهب
زريعة القنب
راه المعصورة دم
والراكب دابة ينزل
راه القلب عمر بثقل
يازريعة القنب
السنطيحة دارت فضيحة
وعبد القادر
رجع فتيحة
والله لما هدا لمنكر
الطير يغرد في لفجر
عشو حجر ولا شجر
يطير وما قلبو
سفارة ولا نية الغدر

Get real time updates directly on you device, subscribe now.

اترك رد

لن يتم نشر عنوان بريدك الإلكتروني.

*