مولات الزين المسرار

زجليات عبدو:

مولات الزين المسرار :
بقلم عبدالهادي بريويك
قلبي مجروح
وفيه شلا كلام
حبيتك
حب الزين لبنت السلطان
ولقيت فيك الحسن
وبنت الزين المسرار
وفيك حبيت كل لسرار
وفي قلبك بير حلو
مالقيتو في كل لبيار
زينك زين جبلي
على حياتي مضوي
ديما قنديل
ونهار نتلف نلقى فيك
ضوي
شنو واش نبقى في هد الدنيا
ولا نمشي
لبحر فيه ناسو
وكل جن حاير فيه
عندو نواقصو
ملي شفتك يا الزين
مابقيت نثقب الودنين
هزيت حماري ومشيت
وتعرفي فين تلقايني
نعشق الحرف
وحروفك حروف الزين
وتعرفي شحال أنا فيك غيواني
واش عمرك شفتي
غير العاشق
يحزن ويندم
لما تمرضي
وتقولي ماطبيب شفاني
أنا عاشق ومغروم بك
وعمري كنت زهواني
حبك في عيونك سطاني
واش المجذوب في الحب
يعيش ولا يبقى
ويلا حرقتني الشمس
قمرك خلاني
يامولات عرش الزيتون
والنخلة
وثمر يلا طال
كلامك حلاني
ونهار نمرض تعنقيني
وعناقك شفاني

Get real time updates directly on you device, subscribe now.

اترك رد

لن يتم نشر عنوان بريدك الإلكتروني.

*