واش رئيس الحكومة تايراقب شنو تايوقع ولا والو؟…. الشركة لي تاتشد “ستريمينغ” لرئاسة الحكومة حطات فيديو كلو “تشاش” ومامسموعش و الفلوس دايزين ليها من المال العام

سياسي : الرباط

المسؤولين ولا الشركة لي واخدة المارشي من رئاسة الحكومة بالملايين من فلوس الشعب , و لي دارت فضيحة من العيار الثقيل و بغات تنقل الكلمة ديال سعد الدين العثماني فاللقاء التواصلي فطنجة ولكن تا واحد ما عرفو شنو تايقول ماكاين غير تشاش و الكلمة مامسموعاش .
هاد الفلوس لي تتشدها “بواط دو برود” من فلوس الشعب باش تخدم على الفيديوهات و التقارير ديال رئيس الحكومة و تكون حلقة وصل بين المغاربة في الداخل و الخارج و الحكومة فشلات باش تعطي فقط فيديو جيد ومسموع .

https://www.facebook.com/cg.gov.ma/videos/911956469011051/

واش العثماني عارف ليمن تايدوزو هاد المارشيات ديال التواصل ولا تا هو غير عندو باج فالفيسبوك تايدخل ليها مرة مرة … وماشي بعيد باش تطلق موقع ديال رئيس الحكومة لي تاهو من بعد أيام هايحبس و ماهايبقاش خدام كيف ما وقع قبل مع رئيس الحكومة السابق و الوزراء و الوزارات لي ماخدامينش المواقع ديالهم و الفلوس تادوز “حسي مسي”…