المال العام تايمشي فالخاوي…..وزارة محمد يتيم صرفات كثر من 100 مليون على الإيمايل
نشر المدون المغربي والباحث في المعلوميات المقيم في أمريكا مروان العلوي المحرزي تدوينة عبر حسابه في الفيسبوك حول صفقة أقامتها وزارة محمد يتيم و جاء في التدوينة :
وزارة الشغل والإدماج المهني لي الوزير ديالها يتيم دارو صفقة باش يقادو ليهم بريد إلكتروني
⠀
هاد البلان لي أي تقني أو مهندس معلوميات من العشرات ديال المهندسين لي خدامين في الوزارة كان ممكن يخدم عليه ويقادو
⠀
خسرو عليه … 101 مليون سنتيم
⠀
⠀
كمقارنة، بلدية واشنطن خلصات 450 مليون سنتيم ديالنا باش دير ايمايل خاص ل 38 ألف شخص خدام فيها
بينما وزارة الشغل والإدماج المهني فاش قلبت لقيت أن فيها شي 1194 موظف.
⠀
هادشي بلا ما نهدرو على 28 مليون سنتيم دوزها هاد الوزير باش يديرو update للموقع ديال الوزارة، ودوزها حتى الوزير السابق لكن بدون أي تغيير للموقع
⠀
وزيد فوق منها جوج صفقات دازو لنفس الشركة من طرف الوزارة، وحدة ب 43 مليون سنتيم، والثانية بمبلغ 45 مليون سنتيم، باش يديرو دراسة (وي غير دراسة) حول حماية النظام المعلوماتي الخاص بالوزارة.
⠀
⠀
فاش كاتشوف كيفاش فلوس المال العام كيتخسرو، ها الإميل ها الشكلاط ها بيت النعاس ديال الوزير ها الستيلو ب 6 د المليون … كيبقى فيك الحال على هدوك الفلوس لي عطيتي ضريبة
(إنتهت التدوينة)
لم تمر شهر على فضيحته مع المدلكة و خرجاته الرومنسية في شوارع باريس حتى ظهرت هذه الفضيحة الجديدة .