3 فقرات من حوار رئيس الحكومة تلخص كل شيء

3 فقرات من حوار رئيس الحكومة تلخص كل شيء: 

كتبها: علي الغنبوري

الفقرة الأولى: سئل رئيس الحكومة عن التماسك الحكومي وعن مؤشرات الاختلاف السياسي الواضح بين مكوناتها خاصة في الآونة الأخيرة ، فأجاب بالشكل التالي : خاصنا نفرزو بين جوج حوايج العمل الحكومي و العمل السياسي ، بالنسبة للعمل الحكومي هو غادي بشكل جيد و بدون أي مشاكل وفق التراتبية الإدارية و الحكومية ، اما على المستوى السياسي فكل حزب حر في تصريحاته و آرائه بخصوص التدبير الحكومي و السياسات العمومية التي تنتجها الحكومة ( المهم هو التماسك التقني اما السياسي بلاش). 

الفقرة الثانية: سئل رئيس الحكومة عن ملف التقاعد فأجاب بالشكل التالي: نظام المعاشات المدنية كان غادي يوقف في سنة 2028 ولكن دابا مع الزيادات في الأجور ربحنا 3 سنوات أخرى يعني ما غادي يوقف حتى 2031، وبالتالي باقي عندنا الوقت او الملف مابقاش مستعجل لهذا غادي ناخدو وقتنا باش نحلو هاد الملف بشكل توافقي مع النقابات.( الانتخابات هي المهم الشي لاخور بشوية علينا).

الفقرة الثالثة: سئل رئيس الحكومة عن التفاوتات المجالية في التنمية او احتجاجات ساكنة المناطق المهمشة ، فأجاب على الشكل التالي : دابا لاحتجاجات كتكون على بعض المطالب بحال الطرقان او التغطية الهاتفية ، حنا دابا خدامين على 5 G، او ان شاء الله يوصل لكل المناطق .( التنمية كتمشي على ظهرها).

 بدون أي تعليق معمق على هذه الفقرات غادي يبان ليكم كيفاش كتفكر هذه الحكومة .. او ما غادي نزيدش نهضر .. حيث بدون فائدة .