وزير معمرنا سمعناه…اسمه “عثمان الفردوس” يقدم حصيلته

سياسي: الرباط

قدم كاتب الدولة عثمان الفردوس حصيلته رغم اننا لم نسمع به .
وكتب عثمان:

ضروري انني نقدم للمواطنين ولو شبه حصيلة مرحلية ديال 100 يوم الاولى ديالي ككاتب الدولة مكلف بالإستثمار.

السيد الوزير MHE عطاني فرصة باش نشارك فالمسلسل التشريعي ديال جوج نصوص كتهم خلق الوكالة المغربية لتنمية الإستثمارات و الصادرات، و وكالة التنمية الرقمية.

هاذ النصوص بجوجها تم التصويت عليها بالاجماع فاللجن ديال البرلمان، وكان هذا أول درس خديتو من عند وزيري الوصي و من عند البرلمانين، نواب و مستشارين، و هو ان ملي كإتعلق الامر بالمستقبل الاقتصادي ديال الشباب المغربي، كلنا واقفين فصف واحد. مع الصالح العام، ماكاين لا أغلبية و لا معارضة، كاينة غير أفكار جدّية او غير جدّية.

هنا بغيت نشير انه من غير المنطيقي ان الاشغال ديال اللجن البرلمانية ماتدوزش فالتلفزة و لو جزئيا، رغم ان كيدورو فيها نقاشات مولٍدة لواحد المستوى عالي كنضن انه فيه واحد المنفعة كبيرة للمواطن. كنتمنّ ان مشروع parlement.tv إتنزل على ارض الواقع.

الAMDIE غادية تمكّننا من الحفاض على العلامة التجارية ديال المغرب كوجهة للاستثمار و كمصدر للصادرات. المغرب عندو ميزة لي قليلة البلدان النامية فالعالم لكتوفر عليها (كالمكسيك او كوريا او تركيا) و هي حدود مشتركة مع سوق غني. الشي لكاي قوّي العلاقة ما بين الاستثمار (عبور الرأسمال للحدود) و التصدير (عبور البضائع للحدود).

امّا الADD فغادة تكلف بالتنزيل ديال الاستراتجية الرقمية ديال البلاد. كنحثكم باش تزورو موقع fikra.egov.ma وتقتارحو على الجميع افكاركم فمجال الخدمات العمومية الالكترونية.

فهاذ 100 يوم الاولى شاركت ايضا في عدد كبير ديال الاجتماعات و الندوات، كلجنة الاستثمار لي صادقت على 67 مليار درهم ديال المشاريع 90% منها كانت من مستثمرين مغاربة، و المجلس الاداري ديال صندوق الضمان المركزي لي كي ساهم فالتمويل الاولي ديال الشركات الناشئة عبر صندوق Innov Invest، كما أنني قدمت ندوة في واشنطن حول “دور الرقمنة في الإدماج المالي في افريقيا”.

اليوم الوزارة خدامة فتهييء مشروع إصلاح شامل لميثاق الاستثمار ديال 1995. ورش كبير فيه نسبة ديال الابتكار و الاجتهاد. بعد ما خدينا الاقترحات ديال القطاعات الوزارية الاخرى و المؤسسات و ممثلي الفاعلين الاقتصاديين، ليوم كنفتحو الباب للمواطنين باش إعرضو علينا مقترحاتهم لاصلاح المنظومة التحفيزية للاستثمار.

لي عندو شي فكرة دقيقة و واقعية إنشرها على موقع www.linkedin.com باستعمال هاشتاغ #fikrainvest قبل يوم 14 غشت 2017. غادي نعرض شخصيا للغدا فالرباط على مقدمي الاقتراحات الثلاثة الافضل. كان نتمنّا انكم تشاركو فهاذ المبادرة التشاورية بكثافة و تبارطاجيو هاذ الرسالة مع اصدقاءكم لي كات ضنّو عندهم أفكار جدّية فهاذ الباب و شكرا.

Get real time updates directly on you device, subscribe now.

اترك رد

لن يتم نشر عنوان بريدك الإلكتروني.

*