مؤثر : صاحب الطاكسي الذي تم إعتقاله بسبب “إفريقيا” يقول :”والديا مرضو و مراتي ولدات قبل الوقت”

بعد إعتقاله و الإفراج عنه خرج السائق الذي هدد أصدقاءه في لحظة غضب بكلام نابي إذا لم يتم مقاطعة شركة إفريقيا في فيديو تم تداوله على نطاق واسع هاهو اليوم يخرج بتدوينة مؤثرة .
وجاء في التدوينة :

“كنقدم اعتذاري الكبير لكل واحد شاف ذاك الفيديو اللي فيه كلام نابي سمحو ليا بزاف والله يسمح ليا على السب والشتم في حق خوتي غير كنضحكو ديما بالسبان، الفيديو كنت لحتو فواحد الكروب غير باش نضحكو لا علاقة ليه بالمقاطعة ولا الجماعة والكروب فيه غالرجال مافيهش البنات وطلبت منهم باش ميخرجوهش ومع ذلك بنادم خرج الفيديو ...وهاذوك اللي خرجوه شوف فاش تسببتي ليا الواليدة مرضات حيث فعمري 35 سنة وجامي ضاربت ولا تشديت والواليد وخوتي وصحابي وكلشي مرض معايا وبسباب اللي خرج الفيديو المدام مرضات وولدات قبل الوقت خرجتي عليا معنويا وجسديا وماديا بزاف وبزاف وبزاف…بغيت نقوليك واحد الحاجة قتلتيني وعذبتيني وأقسم بالله العلي العظيم واليوم الجمعة مسامحك دنيا وآخرة …القلب أبيض بزاف”