يبدو أن تصريحات الوزير يتيم مازالت تضلي بضلالها ليس فقط على المواطنين بل حتى من أقرب مقربيه.
نجل وزير التشغيل خرج في تدوينة مثيرة “قصف” بها والده قائلا : “أنا غير مواطن في الزنقة” .
صلاح يتيم دافع عن نفسه في تدوينته بعد الفيديو الذي إنتشر على نطاق واسع و هو يلعب “البوكير” و إعتبر الأمر يتحمل مسؤوليته مؤكدا أن من يظهر في الفيديو هو إبن يتيم ، موجها سهامه في نفس الوقت للحكومة و تعاطيها مع حملة المقاطعة.
وجاء في التدوينة :
الدراري الله يجازيكم بيخير…
انا عارف أن الفضول صفة إنسانية ولكن احترموا شوية الخصوصية والاحساس ديال انسان…
حط راسك في بلاصتي وشوف واش كل دقيقة يبقى يوصلك طاغ ولا مساج فيه عائلتك وطواسلك كايتسبوا بدون اي سبب واضح …
من غير ربما أنك ولد فلان ولا ولد علان …
توضيحا للأمور ومن بعد هذا اي واحد غادي يسألني في هذا الموضوع غادي نبلوكيه ويسمح ليا … انا بنادم ماشي ماكينة …
1. نعم، الفيديو اللي داير البوز في التواصل الاجتماعي ديال البوكر… هذاك السيد اللي كايبان فيه هو انا … باش اللي ضارو راسو يبرد
2. نعم، انا الوالد ديالي عينه الملك وزير في الحكومة الحالية…
3. حتى واحد ماخدا رايي في هذا التعيين … انا ماشي مسؤول عليه ولا اتحمل نتائجه
4. اي تصريح أدلى به الوالد يعنيه هو بالأساس وهو لا يأخذ رايي قبل أن يتكلم كما لا اخذ رايه قبل أن أتكلم.. كل واحد مسؤول عن تصريحاته…
5. انا بصح مشيت ولعبت تورنوا ديال البوكر … وهادشي راه داز عليه أكثر من 4 سنين ولا 5 سنين … وهادشي ماخديتش فيه رأي الولد وبالتالي هو غير مسؤول عنه ولا يتحمل نتائجه
6. انا بنادم وماشي ملَك واذا درت كااااع شي حاجة حرام … الله يسمح ليا …
7. الهدرة الخاوية ديال كايقمر بفلوس باه ماتحتاجش الجواب… اللي كايعرفني هنا ولا في المجموعة ولا حتى في حياتي عارف إنني كانربح أكثر من ابي … وعارف المستوى الثقافي والفكري والعلمي ديالي … وربما عندو فكرة حتى على الخدمة ديالي وانني خدام بذراعي…
8. انا مستعمل اسم مستعار لا في اليوتيوب ولا في الفيسبوك اصلا باش هادشي مانوقعش فيه … المهم دابا ها انتم عرفتو…
9. اللي بان ليه انه الفيديوهات والشروحات اللي كنقدم مفيدة وبغا يبقى متبعني مرحبا .. اللي بان ليه غير ذلك الله يعرضوا السلامة ..
وفي الاخير، وبالملموس انا مامتفقش مع الحكومة في تسييرها في موضوع المقاطعة … ومنها الوالد ديالي اللي كانقول ليه كوالد لك كل الاحترام والتقدير وادعو الله لك ان يرحمك كما ربيتني صغيرا ولكن كوزير بغيت نقول لك :
انا غير مواطن دايز في الزنقة ومعني بالمقاطعة ومقاطع
و جدير بالذكر أن يتيم وجهت لهم إنتقاذات لاذعة من نشطاء مواقع التواصل الاجتماعي بعد تصريحه الغريب المتعلق بالمقاطعة.