ربط المسؤولية بالمحاسبة: ماشي اختيار، راه واجب وطني

فنجان بدون سكر:

ربط المسؤولية بالمحاسبة: ماشي اختيار، راه واجب وطني”

بقلم عبدالهادي بريويك

لم يعد في المغرب اليوم مجال للمجاملات، ولا وقت للشعارات الفارغة.

لقد بلغ السيل الزبى، وصار من العبث أن نتحدث عن التنمية، وعن مغرب جديد، في غياب ربط حقيقي بين المسؤولية والمحاسبة.
من يعتلي كرسي المسؤولية، عليه أن يعرف مسبقاً أن الأمر ليس تشريفاً ولا وسيلة للاغتناء، بل تكليف ثقيل، وأمانة في العنق، وحساب ينتظر في الدنيا قبل الآخرة.

الوطن ما بقاش يحتمل الخونة المتنكرين في جلباب المسؤولين، ولا المتسللين إلى المراكز الحساسة بعقلية “الهمزة” و”من بعدي الطوفان”.
المال العام ماشي رزق سايب، والمؤسسات ماشي ملك خاص. هناك من يتوهم أن صمته ودهاءه سيجنّبه المحاسبة، لكن هيهات! المغاربة اليوم فاقوا، والوعي الشعبي لم يعد يسمح بمرور الفساد في صمت.

الناس بغات الشفافية، بغات النتيجة، وبغات تشوف المحاسبة قدّام عينيها، ماشي غير فالتقارير والبيانات الصحفية.
جلالة الملك محمد السادس قالها بصراحة في أكثر من مناسبة:
“ربط المسؤولية بالمحاسبة مبدأ دستوري لا رجعة فيه.”
هاذ الكلام ماشي للزينة، هاذ الكلام توجيه ملكي، وموقف وطني، خصو يتحول لواقع ملموس.
🔴 المسؤول اللي فشل، خاصو يمشي.

🔴 اللي سرق، خاصو يتحاسب ويرجع فلوس الشعب.

🔴 واللي خان الثقة، خاصو يتمنع من تقلد أي مسؤولية مستقبلية.
هاذ الشي ماشي حقد، ماشي تصفية حسابات، هذا اسمه عدالة، وهذا اسمه احترام للشعب.
واش معقول فـ2025 مازال كاينين مسؤولين كيديروا المشاريع بالأثمنة المنفوخة؟
مازال كاينين اللي كيسيروا الميزانيات بلا حسيب ولا رقيب؟
مازال كاين اللي كيشوف فالمصلحة العامة بقرة حلوب؟
كفى!
المغرب الجديد محتاج لرجال ونساء مسؤولين، نظاف، شجعان، عندهم غيرة على البلاد، وماشي طامعين فخيراتها. محتاج لقانون يطبق على الجميع، بلا استثناء، وبلا تمييز
ربط المسؤولية بالمحاسبة ماشي اختيار، راه شرط أساسي لبناء مغرب العدالة والكرامة.
ما يمكنش تكون مسؤول وما تحاسبش.

ما يمكنش تاخد ثقة الدولة وتخونها بلا عواقب.

ما يمكنش نطالبو الشباب بالوطنية، وحنا كنشوفو الفاسدين فالمناصب بلا عقاب.
الوطن خاصو نقي، واللي ما قدش يحمل المسؤولية بنزاهة، يبعد
المال العام راه أمانة،
الفلوس اللي كتدخل خزينة الدولة، راه جاية من الضرائب ديال المواطنين، من عرق الناس، من تعب الأجيال.
كل درهم كيتنهب، راه مدرسة ما تبناتش، سبيطار ما تجهزش، طريق بقات محفرة، ومواطن فقد الثقة.
المسؤولية فالمغرب ماشي غير منصب وكرسي، المسؤولية هي عهد مع الله، ومع الملك، ومع الشعب.
اللي كينهب المال العام، راه ماشي غير كيسرق، راه كيطعن فظهر الوطن، وكيدوس على كرامة الشعب.
✋ خصنا نغرسو فالثقافة ديالنا أن:
• المال العام خط أحمر
• الفساد عار
• وربط المسؤولية بالمحاسبة ماشي اختيار، راه ضرورة
بغينا مغرب النزاهة، مغرب الشفافية، مغرب كيعطي لكل واحد حقو.