هذا هو المسمى صبري بوقادوم سفير شنقريحة وتابعه تبون في واشنطن حاليا

هذا هو المسمى صبري بوقادوم سفير شنقريحة وتابعه تبون في واشنطن حاليا. 

كتبها: احمد الدافري

هذا الفيديو يعود إلى يوم 29 فبراير 2020 وكان حينها بوقادوم هذا هو وزير خارجية النظام الجزائري.

وقد أعطى هذا التصريح في إطار ندوة صحفية رفقة أحمد أبو الغيط الأمين العام لجامعة الدول العربية الذي كان قد زار الجزائر العاصمة كي يتحدث مع النظام الجزائري في الإعداد للقمة العربية التي كانت ستستضيفها الجزائر في نهاية مارس 2020.

ولكن بما أن المنحوس خلقه الله كي يكون منحوسا

 فإن جائحة كورونا انتشرت بشكل تام في العالم بعد أيام قليلة من هذه الزيارة، وتم الإعلان عن الحظر التام للتنقل في مختلف أرجاء العالم، ولم يتم عقد القمة العربية في وقتها وتم تأجيلها.

وبما أن النية السيئة لابد أن تكشفها عظمة اللسان، فإن بوقادوم هذا حين سأله صحفي عن هل من المقرر أن تشارك المملكة المغربية بوفد عالي المستوى في القمة، أجابه بأنهم في الجزائر، وزارة الخارجية والسلطات الجزائرية كانوا دائما يحرصون على صب الزيت على النار. 

 

.يعني دائما كيبغيو يشعلو العافية مع المغرب  

بالتأكيد هو كان يريد أن يقول العكس.

 

ولكن بما أنه مطرنن وما كيعرفش معنى الكلام للي كيخرج من فمو فهو قال هاذ الكلام في إطار ما يسمى 

Lapsus

أي زلة اللسان الفاضحة. 

 

وهنا بالتأكيد أن ناصر بوريطة وزير خارجية المغرب أنه غادي يكون طلق شي قهقهة كبيرة ومجلجلة ملي سمع هاذ التصريح. 

حيت كان عارف أن هاذ بوقادوم كا غاديش يبقى فهاذ  

المنصب، للي من نهار ولى بوريطة وزير خارجية في أبريل 2017 وهو كيطرد في وزراء الخارجية الجزائريين. 

 

ملي بوريطة تعين وزير خارجية لقى واحد اسمو رمطان العمامرة هو وزير خارجية الجزائر.

جراو عليه العسكر وجابو واحد اسمو عبد القادر مساهل، للي جراو عليه ورجعو تاني رمطان العمامرة، للي جراو عليه العسكر تاني وجابو هاذ صابري بوقادوم، للي من بعد هاذ الفضيحة جراو عليه وجابو تاني هاذاك رمطان العمامرة، للي جراو عليه تاتي العسكر وجابو هذا للي كاين دابا وللي اسمو أحمد عطاف.

 

المهم ما كاين عندهم غير صيفط هذا وجيب هذا، وباك بوريطة جالس طالق رجل فوق رجل، وشاد التيليكوموند كيتفرج فالسيتكومات ديالهم، وخدام كيكركر. 

 

آخر سيتكوم هو هاذ بوقادوم ملي ولى سفير ديالهم فالميريكان مشى أعطى الفلوس لواحد الموقع ميريكاني ودار معه حوار وقال فالحوار راه احنا فالجزائر عندنا المعادن النفيسة النادرة تحت الأرض وإيلا بغى ترامب يجي ياخذها مرحبا ما عندنا مشكل. 

بغى زعما ولد اللادينا يصب الزيت على النار. 😀

 

مساخط الوالدين.

النحس. 

حتى حاجة ما كتبغي تتصاوب ليهم  

وهذا ما كان.