و هادي جديدة عاود…عمدة سلا ومدير ديوان رئيس الحكومة المعتصم داير موقع جماعة سلا ف”سميتو” (وثائق)

سياسي : سلا
يبدو أن رئيس جماعة سلا , و القيادي بحزب العدالة و التنمية ,و مدير ديوان رئيس الحكومة تحول بين ليلة و ضحاها لتقني معلوميات يجيد إنجاز المواقع الإليكترونية , وربما تكون صفقة هنا و هناك مررت “من تحت الدف” .
الأمر لم ينتهي هنا بل حجز الموقع الرسمي لجماعة سلا التي يمول من المال العام لنفسه , و كأنه يقول “أنا عمدة سلا الأبدي و لن أتنازل على هذا الموقع” .
دابا واش كاين شي رئيس جماعة فالعالم تايدير إسم الموقع فسميتو , مثلا يلا جا شي عمدة جديد للمدينة هايكفيه فقط يجدد الإشتراك للشركة لي شادا الموقع و هايبقا ديالو , و أي جماعة كاينة فالمغرب تايكون الموقع الرسمي ديالها بإسم الجماعة و ماشي بإسم الرئيس .
يعني فالحملة الإنتخابية جايا يقدر يروج لحزب العدالة و التنمية ولنفسه إنطلاقا من الموقع الرسمي ديال الجماعة لي هو فملك الجماعة و ماشي فملك جامع المعتصم , و هايبقا هاد الأخير ديما متحكم فأمور الموقع بحكم أنه هو مالكه بالنسبة للشركة لي تاتاخد من المال العام باش ت”إيبيرجي” الموقع .